హైదరాబాద్‌లోని మియాపూర్‌లో పెయింట్ షాపులో అగ్నిప్రమాదం

హైదరాబాద్‌లోని మియాపూర్ పోలీస్ స్టేషన్ పరిధిలోని న్యూ హఫీజ్‌పేట్‌లో భారీ అగ్నిప్రమాదం సంభవించింది. స్థానికంగా ఉన్న ఒక పెయింట్ షాపులో షార్ట్ సర్క్యూట్ కారణంగా ఒక్కసారిగా మంటలు చెలరేగాయి. పెయింట్లు ఉండటంతో మంటలు వేగంగా పక్కనే ఉన్న మరో రెండు భవనాలకు కూడా వ్యాపించాయి. ఈ ఘటనతో స్థానికులు తీవ్ర భయాందోళనకు గురికాగా, సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను ఆర్పుతున్నారు.