పోలవరంలో భారీ మొసలి కలకలం.. భక్తులు అప్రమత్తంగా ఉండాలి

కార్తీక మాసంలో గోదావరి స్నానాలకు వెళ్లే భక్తులు అప్రమత్తంగా ఉండాలని అధికారులు హెచ్చరిస్తున్నారు. ఏలూరు జిల్లా పోలవరం ప్రాజెక్టు దిగువ కాఫర్ డ్యామ్ సమీపంలో భారీ మొసలి కనిపించడంతో స్థానికంగా కలకలం రేపింది. లారీ డ్రైవర్లు దీనిని వీడియో తీయగా ప్రస్తుతం సోషల్ మీడియాలో వైరల్ అవుతోంది. గోదావరిలో స్నానాలు ఆచరించే సమయంలో భక్తులు తగు జాగ్రత్తలు తీసుకోవడం ఎంతో ముఖ్యం.