ఏపీలో జాంటీ రోడ్స్ రూ.55 కోట్ల పెట్టుబడి

దక్షిణాఫ్రికా క్రికెట్ దిగ్గజం జాంటీ రోడ్స్ ఆంధ్రప్రదేశ్ ముఖ్యమంత్రి చంద్రబాబు నాయుడితో సమావేశమయ్యారు. భోగాపురం సమీపంలోని ముక్కం బీచ్‌లో రూ.55 కోట్ల పెట్టుబడితో వెల్‌నెస్ సెంటర్ ఏర్పాటు చేయడానికి ఆయన ముందుకు వచ్చారు. ఈ ప్రాజెక్టు ద్వారా రాష్ట్రంలో పర్యాటక రంగం అభివృద్ధి చెందడమే కాకుండా యువతకు ఉపాధి అవకాశాలు లభిస్తాయి. ఈ ప్రతిపాదిత ప్రాజెక్టుకు జాంటీ రోడ్స్ బ్రాండ్ అంబాసిడర్‌గా వ్యవహరించనున్నారు.